ബെയ്ജിങ്: ലോകത്തെ ഏറ്റവും വലിയ ക്രിപ്റ്റോകറൻസി എക്സ്ചേഞ്ചായ ബിനാൻസിൽ നിന്ന് ചരിത്രത്തിലെ ഏറ്റവും ഉയർന്ന തുകയായ 6.3 ബില്യൺ ഡോളർ (ഏകദേശം 4.7 ബില്യൺ പൗണ്ട്) ഹാക്കർമാർ മോഷ്ടിച്ചു. വ്യാജ തൊഴിൽ അഭിമുഖങ്ങൾ സംഘടിപ്പിച്ചും കമ്പനിയുടെ സ്വന്തം ആർട്ടിഫിഷ്യൽ ഇന്റലിജൻസ് (എഐ) സംവിധാനങ്ങൾ ദുരുപയോഗം ചെയ്തുമാണ് സൈബർ ആക്രമണം നടത്തിയതെന്ന് അധികൃതർ സ്ഥിരീകരിച്ചു.
സ്ഥാപനത്തിലെ എൻജിനീയർമാരുടെ കമ്പ്യൂട്ടറുകളിലേക്ക് സോഷ്യൽ എൻജിനീയറിങ് തന്ത്രങ്ങളിലൂടെ മാൽവെയറുകൾ കടത്തിവിട്ടാണ് ഡിജിറ്റൽ സംവിധാനങ്ങളുടെ പൂർണ്ണ നിയന്ത്രണം കുറ്റവാളികൾ കൈക്കലാക്കിയത്. തുടർന്ന് ബിനാൻസിന്റെ ക്രിപ്റ്റോ വാലറ്റുകളിൽ നിന്ന് കോടിക്കണക്കിന് ഡോളർ മൂല്യമുള്ള ക്രിപ്റ്റോകറൻസി പിൻവലിക്കുകയായിരുന്നു.
വളരെ ആസൂത്രിതമായി വിവിധ ഘട്ടങ്ങളിലായാണ് ഹാക്കിങ് പൂർത്തിയാക്കിയതെന്നും സംഭവിച്ചത് സങ്കീർണ്ണവും അതീവ ഗുരുതരവുമായ സുരക്ഷാ വീഴ്ചയാണെന്നും ബിനാൻസ് എക്സ് കുറിപ്പിലൂടെ വ്യക്തമാക്കി. സംഭവത്തിൽ ഔദ്യോഗികമായി ഖേദം പ്രകടിപ്പിച്ച കമ്പനി, ഇത്തരമൊരു വീഴ്ച സംഭവിക്കാൻ പാടില്ലായിരുന്നുവെന്നും സമ്മതിച്ചു.
