പ്രതിയെ വെടിവെച്ചുകൊല്ലുന്നത് തത്സമയം കാണിക്കാനുള്ള അമേരിക്കയുടെ തീരുമാനം പരസ്യ വധശിക്ഷയ്ക്ക് തുല്യമാണെന്നും പീഡന നിരോധനം സംബന്ധിച്ച ആഗോള നിയമങ്ങളുടെ ലംഘനമാണെന്നും യുഎൻ മനുഷ്യാവകാശ ഓഫീസ് (OHCHR) വ്യക്തമാക്കി. നിദാൽ മാലിക് ഹസന്റെ വധശിക്ഷ പെന്റഗൺ ലൈവ് സ്ട്രീം ചെയ്യുമെന്ന് യുഎസ് പ്രതിരോധ സെക്രട്ടറി പീറ്റ് ഹെഗ്സെത്ത് അറിയിച്ചതിന് പിന്നാലെയാണ് യുഎൻ നടപടിയെ അപലപിച്ചത്.
ടെക്സസിലെ ഫോർട്ട് ഹുഡ് സൈനിക താവളത്തിൽ 2009-ൽ 13 പേരുടെ മരണത്തിനും 32 പേർക്ക് പരിക്കേൽക്കാനും ഇടയാക്കിയ വെടിവയ്പ്പ് നടത്തിയ കേസിലാണ് നിദാൽ മാലിക് ഹസന് വധശിക്ഷ വിധിച്ചത്. ഡിസംബർ മൂന്നിനാണ് ശിക്ഷ നടപ്പാക്കാൻ നിശ്ചയിച്ചിരിക്കുന്നത്.
സൈനികർ ഒന്നിച്ച് വെടിയുതിർക്കുന്ന ഫയറിംഗ് സ്ക്വാഡ് രീതിയിലാണ് വധശിക്ഷ നടപ്പാക്കുക. 1945-ന് ശേഷം ആദ്യമായാണ് ഈ മാർഗ്ഗത്തിലൂടെ അമേരിക്കയിൽ ഒരാളെ വധശിക്ഷയ്ക്ക് വിധേയനാക്കുന്നത്.
