സ്റ്റോക്ക്‌ഹോം: 2026-ലെ സാഹിത്യത്തിനുള്ള നൊബേൽ പുരസ്കാരം കനേഡിയൻ കവയിത്രിയും എഴുത്തുകാരിയുമായ ആൻ കർസണ് ലഭിച്ചു. സാഹിത്യലോകത്തിന് നൽകിയ സമഗ്ര സംഭാവനകളെ മുൻനിർത്തിയാണ് എഴുപത്തിയാറുകാരിയായ ആൻ കർസണ് സ്വീഡിഷ് അക്കാദമി അവാർഡ് പ്രഖ്യാപിച്ചത്.

പദ്യവും ഗദ്യവും സമന്വയിപ്പിച്ചുകൊണ്ടുള്ള സവിശേഷമായ ആഖ്യാന ശൈലിയാണ് ആൻ കർസന്റെ രചനകളുടെ പ്രധാന പ്രത്യേകത. സമകാലിക വിഷയങ്ങളെ പുരാണങ്ങളുമായി ഇണക്കിച്ചേർത്ത് നിരവധി പുസ്തകങ്ങൾ അവർ രചിച്ചിട്ടുണ്ട്.

1998-ൽ പുറത്തിറങ്ങിയ 'ഓട്ടോബയോഗ്രഫി ഓഫ് റെഡ്' (Autobiography of Red) ആണ് ഇവരുടെ ഏറ്റവും ശ്രദ്ധേയമായ കൃതി. ക്വിയർ സ്വത്വപ്രഖ്യാപനം പ്രമേയമാക്കിയ ഈ രചന ഗ്രീക്ക് ഇതിഹാസ പുരുഷനായ ഹെറാക്കിൾസുമായി ബന്ധപ്പെട്ട ഗ്രീക്ക് കാവ്യങ്ങളുടെ അപനിർമ്മിതി കൂടിയാണ്.