കാസർകോട്: വ്‌ളോഗർ ഹൈദർ മധൂർ 3.61 ഗ്രാം എം.ഡി.എം.എയുമായി പിടിയിലായി. വെള്ളിയാഴ്ച വൈകിട്ട് ആറരയോടെ മധൂരിലെ ജുമാ മസ്ജിദ് പരിസരത്ത് നടന്ന വാഹന പരിശോധനയ്ക്കിടെ കാസർകോട് പൊലീസ് മേധാവിയുടെ കീഴിലുള്ള ഡാൻസാഫ് സംഘവും വിദ്യാനഗർ പൊലീസും ചേർന്നാണ് ഇയാളെ പിടികൂടിയത്.

പരിശോധനയിൽ ഹൈദറിന്റെ പോക്കറ്റിൽ നിന്നാണ് ലഹരിമരുന്ന് കണ്ടെത്തിയത്. സ്വന്തം ഉപയോഗത്തിനും വിൽപ്പനയ്ക്കുമായാണ് എം.ഡി.എം.എ സൂക്ഷിച്ചിരുന്നതെന്ന് പ്രതി പൊലീസിനോട് സമ്മതിച്ചു. രഹസ്യവിവരത്തിന്റെ അടിസ്ഥാനത്തിൽ കഴിഞ്ഞ കുറച്ചുനാളുകളായി ഇയാൾ ഡാൻസാഫ് സംഘത്തിന്റെ നിരീക്ഷണത്തിലായിരുന്നു.