ഇടുക്കി: കട്ടപ്പന കടമാക്കുഴിയിൽ ഏലത്തോട്ടത്തിൽ ജോലി ചെയ്യുന്നതിനിടെ മലമുകളിൽ നിന്ന് വലിയ പാറ ഇടിഞ്ഞുവീണ് തോട്ടം ഉടമ ബെന്നി പുരയിടത്തിൽ മരിച്ചു. രാവിലെ ഭാര്യയ്‌ക്കൊപ്പം ജോലിക്കായി എത്തിയപ്പോഴായിരുന്നു അപകടം; പാറക്കൂട്ടം ഇടിഞ്ഞുവരുന്നത് കണ്ട് ബെന്നി ഓടിമാറാൻ ശ്രമിച്ചെങ്കിലും രക്ഷപ്പെടാനായില്ല.
ഏറെ ശ്രമകരമായാണ് ബെന്നിയെ പാറയ്ക്കടിയിൽ നിന്ന് പുറത്തെടുത്തത്. മുൻപ് ഉരുൾപൊട്ടലുണ്ടായ മേഖലയാണിതെന്നും ഇനിയും പാറയിടിയാൻ സാധ്യതയുള്ളതിനാൽ സ്ഥലത്തേക്ക് ആളുകളെ പ്രവേശിപ്പിക്കുന്നത് നിയന്ത്രിച്ചിട്ടുണ്ടെന്നും പൊലീസ് അറിയിച്ചു.
