തിരുവനന്തപുരം: എൽപിഎസ്ടി റാങ്ക് ഹോൾഡേഴ്‌സിന്റെ സമരപ്പന്തൽ പൊളിച്ചുനീക്കിയ പൊലീസ് നടപടിയെ വിമർശിച്ച് പ്രിയങ്ക ഗാന്ധി എം.പി രംഗത്തെത്തി. സർക്കാരിനെതിരെ സമരം ചെയ്യുന്നത് ജനങ്ങളുടെ അവകാശമാണെന്നും, സമാധാനപരമായി നടക്കുന്ന പ്രതിഷേധങ്ങളെ തടയരുതെന്നും അവർ വ്യക്തമാക്കി.
അക്രമസംഭവങ്ങളുണ്ടായാൽ പൊലീസ് ഇടപെടേണ്ടതുണ്ടെങ്കിലും, സമരം സമാധാനപരമാണെങ്കിൽ പ്രതിഷേധിക്കാൻ അനുവദിക്കണമെന്ന് പ്രിയങ്ക ഗാന്ധി ചൂണ്ടിക്കാട്ടി. അന്തരിച്ച പത്മശ്രീ പുരസ്‌കാര ജേതാവ് ചെറുവയൽ രാമന്റെ വയനാട്ടിലെ വസതി സന്ദർശിച്ച ശേഷം മാധ്യമപ്രവർത്തകരോട് പ്രതികരിക്കുകയായിരുന്നു അവർ.
