കൊച്ചി: മതേതര നിലപാടുകളിൽ ഉറച്ചുനിന്നതാണ് മുസ്ലിം ലീഗ് ശക്തി പ്രാപിക്കാൻ കാരണമെന്ന് മുഖ്യമന്ത്രി വി.ഡി. സതീശൻ. കൊച്ചിയിൽ നടന്ന യൂത്ത് ലീഗ് സംസ്ഥാന സമ്മേളനത്തിൽ സംസാരിക്കുകയായിരുന്നു അദ്ദേഹം. തെരഞ്ഞെടുപ്പ് ഘട്ടത്തിൽ വിട്ടുവീഴ്ചയില്ലാത്ത ശക്തമായ പ്രവർത്തനമാണ് യൂത്ത് ലീഗ് കാഴ്ചവെച്ചതെന്നും അദ്ദേഹം ചൂണ്ടിക്കാട്ടി.
മുസ്ലിം സമുദായത്തിൽപ്പെട്ടവർ മാത്രമല്ല ലീഗിനെ തുണയ്ക്കുന്നതെന്നും മറ്റ് മതവിഭാഗങ്ങൾ പോലും ബഹുമാനിക്കുന്ന നേതൃത്വമാണ് പാർട്ടിക്കുള്ളതെന്നും അദ്ദേഹം വ്യക്തമാക്കി. പാണക്കാട് തങ്ങളെ സമൂഹത്തിലെ എല്ലാ വിഭാഗം ആളുകളും ആദരിക്കുന്നതിന് പ്രധാന കാരണം ലീഗ് ഉയർത്തിപ്പിടിക്കുന്ന ഈ മതേതര സമീപനമാണ്.
യുഡിഎഫിന്റെ ഏറ്റവും വലിയ ശക്തി മതേതരത്വമാണെന്നും അതിൽ ഒരുതരത്തിലുള്ള വിട്ടുവീഴ്ചയും ഉണ്ടാകില്ലെന്നും വി.ഡി. സതീശൻ വ്യക്തമാക്കി. തെരഞ്ഞെടുപ്പ് സമയത്തടക്കം മുന്നണി ഈ മൂല്യങ്ങൾ പൂർണ്ണമായി ഉയർത്തിപ്പിടിച്ചാണ് മുന്നോട്ടുപോയതെന്നും അദ്ദേഹം കൂട്ടിച്ചേർത്തു.
