കോഴിക്കോട്ടെ സ്വകാര്യ ആശുപത്രിയിൽ അക്കൗണ്ടന്റായി ജോലി ചെയ്യവെ, 2024 ജൂലൈ 30-നുണ്ടായ മുണ്ടക്കൈ-ചൂരൽമല ദുരന്തത്തിലാണ് ശ്രുതിക്ക് മാതാപിതാക്കളും സഹോദരിയുമടക്കം കുടുംബത്തിലെ ഒമ്പത് പേരെ നഷ്ടമായത്. കോഴിക്കോടായിരുന്നതിനാൽ മാത്രമാണ് ശ്രുതി അന്ന് രക്ഷപ്പെട്ടത്. തുടർന്ന് താങ്ങായി നിന്ന പ്രതിശ്രുത വരൻ അമ്പലവയൽ ആണ്ടൂർ സ്വദേശി ജെൻസൻ 2024 സെപ്റ്റംബർ 10-നുണ്ടായ വാഹനാപകടത്തിൽ മരണപ്പെടുകയായിരുന്നു; അപകടത്തിൽ ശ്രുതിക്കും സാരമായി പരിക്കേറ്റിരുന്നു. തുടർന്ന് സർക്കാർ നൽകിയ ഉറപ്പിൻമേൽ 2024 ഡിസംബർ ഒമ്പതിന് റവന്യൂ വകുപ്പിൽ ക്ലർക്കായി ജോലിയിൽ പ്രവേശിച്ച ശ്രുതി, അവിടെവെച്ചാണ് സന്ദീപിനെ പരിചയപ്പെടുന്നതും വിവാഹത്തിലെത്തുന്നതും.