കൊച്ചി: കെപിസിസിക്ക് പുതിയ പ്രസിഡന്റിനെ കണ്ടെത്തുന്നതിൽ കോൺഗ്രസ് ഹൈക്കമാൻഡ് അടിയന്തരമായി തീരുമാനമെടുക്കണമെന്ന് മുതിർന്ന കോൺഗ്രസ് നേതാവ് പി.ജെ. കുര്യൻ. പാർലമെന്റ് അംഗമോ നിയമസഭാ സാമാജികനോ ഈ പദവിയിലേക്ക് വരുന്നതിൽ തെറ്റില്ലെന്നും അദ്ദേഹം കൊച്ചിയിൽ വ്യക്തമാക്കി.
പാർട്ടിയും സർക്കാരും തമ്മിൽ കൃത്യമായ ഏകോപനം വേണമെന്ന് താൻ നേരത്തെ തന്നെ ആവശ്യപ്പെട്ടതാണെന്ന് പി.ജെ. കുര്യൻ ചൂണ്ടിക്കാട്ടി. എന്നാൽ നിലവിൽ ആ ഏകോപനത്തിൽ പോരായ്മകളുണ്ടോയെന്ന് ഇപ്പോൾ വ്യക്തമാക്കാനില്ലെന്നും അത് അളന്നുനോക്കാനുള്ള തെർമോമീറ്റർ തന്റെ കൈവശമില്ലെന്നും അദ്ദേഹം പറഞ്ഞു.
