ഡൽഹി:ക്ലിഫ് ഹൗസ് മോടിപിടിപ്പിക്കുന്ന വിഷയത്തിൽ കോൺഗ്രസിന്റെ ഇരട്ടത്താപ്പിനെതിരെ സിപിഐഎം സംസ്ഥാന സെക്രട്ടറി എം.വി. ഗോവിന്ദൻ രംഗത്ത്. പിണറായി വിജയൻ മുഖ്യമന്ത്രിയായിരുന്ന കാലത്ത് ക്ലിഫ് ഹൗസിലെ ചെറിയ അറ്റകുറ്റപ്പണികളെപ്പോലും ധൂർത്തായി പ്രചരിപ്പിച്ച കോൺഗ്രസ് ഇപ്പോൾ നടക്കുന്ന കാര്യങ്ങളിൽ വ്യക്തമായ മറുപടി നൽകണമെന്ന് അദ്ദേഹം ആവശ്യപ്പെട്ടു.
മുഖ്യമന്ത്രി വി.ഡി. സതീശന്റെ നിലപാടുകളെയും എം.വി. ഗോവിന്ദൻ നിശിതമായി വിമർശിച്ചു. പ്രതിപക്ഷ നേതാവായിരിക്കുമ്പോൾ പറഞ്ഞ കാര്യങ്ങളിൽ നിന്നും വിരുദ്ധമായി പ്രവർത്തിക്കുന്നതാണ് ഇപ്പോഴത്തെ മുഖ്യമന്ത്രിയുടെ പ്രധാന സവിശേഷതയെന്ന് അദ്ദേഹം പരിഹസിച്ചു.
സംസ്ഥാനത്തെ ഐഎഎസ്, ഐപിഎസ് ഉദ്യോഗസ്ഥരുടെ കൂട്ട സ്ഥലംമാറ്റങ്ങൾ അഴിമതി നടത്താനുള്ള ലക്ഷ്യത്തോടെയാണെന്നും അതിനായി യോജിച്ച ഉദ്യോഗസ്ഥരെ തിരഞ്ഞുപിടിച്ച് നിയമിക്കുകയാണെന്നും അദ്ദേഹം കുറ്റപ്പെടുത്തി.
