കൊച്ചി: ചേരാനല്ലൂരിൽ 17-കാരൻ ഓടിച്ച കാറിടിച്ച് മരിച്ച ജയബാലകൃഷ്ണന്റെ വസതിയിലെത്തി മുഖ്യമന്ത്രി വി.ഡി. സതീശൻ കുടുംബാംഗങ്ങളെ കണ്ടു. നീതി ലഭിക്കാനുള്ള എല്ലാ പോരാട്ടങ്ങളിലും സർക്കാർ ഒപ്പമുണ്ടാകുമെന്ന് മുഖ്യമന്ത്രി ഉറപ്പുനൽകിയതായി ജയബാലകൃഷ്ണന്റെ മകൾ ഭദ്രകീർത്തി വ്യക്തമാക്കി; കുടുംബത്തിന്റെ ആശങ്കകൾ മുഖ്യമന്ത്രിയെ ധരിപ്പിച്ചതായും അവർ പറഞ്ഞു.
താൻ സ്വന്തം ഇഷ്ടപ്രകാരമാണ് വക്കാലത്തിൽ ഒപ്പിട്ടതെന്നും ആരും ഭീഷണിപ്പെടുത്തിയിട്ടില്ലെന്നും ഭദ്രകീർത്തി വ്യക്തമാക്കി. കോടതി നടപടികളെക്കുറിച്ച് വ്യക്തതയില്ലെന്നും കോടതിയുടെ തീരുമാനം അറിഞ്ഞ ശേഷം തുടർനടപടികൾ സ്വീകരിക്കുമെന്നും അവർ അറിയിച്ചു.
അഡ്വ. ശ്രീജിത്ത് തന്നെ തങ്ങളുടെ കേസ് തുടർന്നും വാദിക്കുമെന്നും കൊല്ലപ്പെട്ടയാളുടെ മകൾ കൂട്ടിച്ചേർത്തു.
