ആലപ്പുഴ: കിഫ്ബിയിലെ സാമ്പത്തിക ക്രമക്കേടുകളുമായി ബന്ധപ്പെട്ട് ഉടൻതന്നെ വിജിലൻസ് അന്വേഷണം ആരംഭിക്കുമെന്ന് ആഭ്യന്തര മന്ത്രി രമേശ് ചെന്നിത്തല. കണ്ണൂരിലും പാലക്കാട്ടും നടത്തിയ ഭൂമി ഏറ്റെടുക്കലുകൾ വിശദമായി പരിശോധിക്കുമെന്നും പാർട്ടിക്കാരുടെ ഭൂമിക്ക് അഞ്ചിരട്ടിയിലധികം തുക നൽകിയതിൽ എൽഡിഎഫ് മറുപടി പറയേണ്ടിവരുമെന്നും അദ്ദേഹം പറഞ്ഞു.
കിഫ്ബി ഒരു വെള്ളാനയായിരുന്നുവെന്നും പാർട്ടി താല്പര്യങ്ങൾ സംരക്ഷിക്കാനാണ് 60,000 കോടി രൂപ ചെലവഴിച്ചതെന്നും മന്ത്രി ആരോപിച്ചു. ജനങ്ങളുടെ പണം ഉപയോഗിച്ച് അനാവശ്യ നിയമനങ്ങളും ദൂർത്തും അഴിമതിയും കാണിച്ച് രക്ഷപ്പെടാമെന്നാണ് കഴിഞ്ഞ സർക്കാർ കരുതിയതെന്നും അദ്ദേഹം വ്യക്തമാക്കി.
തിരഞ്ഞെടുപ്പ് പ്രചാരണങ്ങൾ മുഴുവൻ നടത്തിയത് കിഫ്ബിയുടെ പണം കൊണ്ടാണെന്നും പരസ്യങ്ങൾക്കായി മാത്രം 200 മുതൽ 500 കോടി രൂപ വരെ വിനിയോഗിച്ചതായും ആഭ്യന്തര മന്ത്രി ചൂണ്ടിക്കാട്ടി.
