തിരുവനന്തപുരം: കേരളത്തിലുൾപ്പെടെയുള്ള കോൺഗ്രസ് സർക്കാരുകൾ രാജി വെക്കണമെന്ന അസം മുഖ്യമന്ത്രിയുടെ വെല്ലുവിളിക്ക് മറുപടിയുമായി കോൺഗ്രസ് നേതാവ് രമേശ് ചെന്നിത്തല. ആദ്യം അസം മുഖ്യമന്ത്രി പദവി ഒഴിഞ്ഞു മാതൃക കാണിക്കട്ടെയെന്നും, അതിനുശേഷം ബാക്കി കാര്യങ്ങൾ ആലോചിക്കാമെന്നും അദ്ദേഹം വ്യക്തമാക്കി.
പേപ്പർ ബാലറ്റാണ് ആവശ്യമെന്ന് ഇപ്പോൾ അസം മുഖ്യമന്ത്രിക്ക് ബോധ്യപ്പെട്ട സ്ഥിതിക്ക് ആ ആവശ്യം അദ്ദേഹം നരേന്ദ്ര മോദിയോട് ഉന്നയിക്കട്ടെയെന്നും, പ്രമുഖ ജനാധിപത്യ രാജ്യങ്ങളിലടക്കം പേപ്പർ ബാലറ്റാണ് നിലവിലുള്ളതെന്നും ചെന്നിത്തല ഓർമ്മിപ്പിച്ചു. ഇപ്പോൾ കേരളത്തിൽ തെരഞ്ഞെടുപ്പ് നടക്കുകയാണെങ്കിൽ ബിജെപിക്കുള്ള മൂന്ന് സീറ്റുകൾ കൂടി നഷ്ടമാകുമെന്ന് അദ്ദേഹം പരിഹസിച്ചു.
എസ്ഐആറിനെ (SIR) താൻ ഒരിക്കലും ന്യായീകരിച്ചിട്ടില്ലെന്ന് വ്യക്തമാക്കിയ ചെന്നിത്തല, യുഡിഎഫിന്റെ നിരന്തര പരിശ്രമത്തിന്റെ ഫലമായാണ് എസ്ഐആറിലൂടെ കള്ളവോട്ടുകൾ നീക്കം ചെയ്യാൻ സാധിച്ചതെന്നും ചൂണ്ടിക്കാട്ടി.
