തിരുവനന്തപുരം: നെടുമ്പാശ്ശേരി വാഹനാപകടക്കേസിൽ സർക്കാർ കൊലയാളിയെ സംരക്ഷിക്കുകയാണെന്ന് സിപിഐഎം സംസ്ഥാന സെക്രട്ടറി എം.വി. ഗോവിന്ദൻ ആരോപിച്ചു. രജിസ്റ്റർ ചെയ്ത എഫ്ഐആറിൽ പ്രതിയുടെ പേര് ചേർത്തിട്ടില്ലെന്നും അയാൾ മദ്യപിച്ചിരുന്നതായുള്ള വിവരങ്ങൾ രേഖപ്പെടുത്തിയിട്ടില്ലെന്നും ചൂണ്ടിക്കാട്ടിയാണ് അദ്ദേഹം സർക്കാരിനെതിരെ രംഗത്തെത്തിയത്.
ദുർബലമായ വകുപ്പുകൾ മാത്രം ചുമത്തിയാണ് കേസെടുത്തിരിക്കുന്നതെന്നും പ്രതിയെ സാധാരണ ജയിലിലേക്ക് വിടുന്നതിന് പകരം ബോർസ്റ്റൽ ഹോമിലേക്ക് മാറ്റിയതിന് പിന്നിൽ ഉന്നതതല ഇടപെടലുകൾ നടന്നിട്ടുണ്ടെന്നും അദ്ദേഹം കുറ്റപ്പെടുത്തി. സംഭവവുമായി ബന്ധപ്പെട്ട് ഉയർന്നുവരുന്ന ഗുരുതരമായ ആരോപണങ്ങളിൽ പ്രതികരിക്കുകയായിരുന്നു അദ്ദേഹം.
