തിരുവനന്തപുരം: കഴിഞ്ഞ നാല് മാസത്തിനിടെ ഒമ്പത് മന്ത്രിമാർ നടത്തിയ വിദേശയാത്രകളിൽ എട്ടുപേരുടേതും സ്വന്തം ചെലവിലായിരുന്നുവെന്ന് വ്യക്തമാക്കി മുഖ്യമന്ത്രി വി.ഡി. സതീശൻ നിയമസഭയിൽ. പ്രതിപക്ഷ എംഎൽഎമാരുടെ ചോദ്യങ്ങൾക്ക് രേഖാമൂലം നൽകിയ മറുപടിയിലാണ് അദ്ദേഹം ഇക്കാര്യം വ്യക്തമാക്കിയത്.
മന്ത്രി പി.സി. വിഷ്ണുനാഥ് നടത്തിയ സന്ദർശനം മാത്രമാണ് ഔദ്യോഗിക യാത്രയായി രേഖപ്പെടുത്തിയിട്ടുള്ളതെന്നും, അതിന്റെ പൂർണ്ണ ചെലവ് സംസ്ഥാന സർക്കാരാണ് വഹിച്ചതെന്നും മുഖ്യമന്ത്രി അറിയിച്ചു. വിദേശത്തേക്ക് പോകാൻ അനുമതി ലഭിച്ച മറ്റ് എട്ട് മന്ത്രിമാരിൽ പലരും സ്വകാര്യ വ്യക്തികളുടെയോ സംഘടനകളുടെയോ ക്ഷണം സ്വീകരിച്ചാണ് പോയതെന്നും സ്വന്തം നിലയ്ക്കാണ് ചെലവുകൾ നിർവഹിച്ചതെന്നുമാണ് ഔദ്യോഗിക വിശദീകരണം.
അതേസമയം, മന്ത്രിമാരുടെ യാത്രാച്ചെലവുകൾ സംബന്ധിച്ച അവ്യക്തത നീങ്ങിയിട്ടില്ലെന്ന് ചൂണ്ടിക്കാട്ടിയ പ്രതിപക്ഷം, സ്പോൺസർഷിപ്പ് സ്വീകരിച്ചുള്ള ഇത്തരം യാത്രകൾ ചട്ടലംഘനമല്ലേ എന്ന് സഭയിൽ ചോദിച്ചു. എന്നാൽ, ഈ വിഷയം തന്റെ ശ്രദ്ധയിൽപ്പെട്ടിട്ടില്ലെന്നായിരുന്നു മുഖ്യമന്ത്രിയുടെ മറുപടി.
