തിരുവനന്തപുരം: രാജ്യത്ത് രാഹുൽ ഗാന്ധി നടത്തുന്നത് വഞ്ചനാപരമായ രാഷ്ട്രീയമാണെന്നും, അധികാരത്തിലേറി ഇത്രയും നാളായിട്ടും വി.ഡി. സതീശൻ സർക്കാർ പിണറായി വിജയനെ സംരക്ഷിക്കുക മാത്രമാണ് ചെയ്തതെന്നും ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ കുറ്റപ്പെടുത്തി. എസ്ഐആർ (SIR) വിഷയത്തിൽ സംസ്ഥാന സർക്കാർ ഇരട്ടത്താപ്പാണ് കാട്ടുന്നതെന്നും അദ്ദേഹം വാർത്താസമ്മേളനത്തിൽ ആരോപിച്ചു.
മുഖ്യമന്ത്രിയുടെ ഓഫീസിലും മുൻ തിരഞ്ഞെടുപ്പ് ഉദ്യോഗസ്ഥൻ പ്രവർത്തിക്കുന്നുണ്ടെന്നും അങ്ങനെയെങ്കിൽ എസ്ഐആർ നടപടി അവർക്കെതിരെയും ഉണ്ടാകണമെന്നും അദ്ദേഹം ആവശ്യപ്പെട്ടു. മുഖ്യ തിരഞ്ഞെടുപ്പ് കമ്മീഷണറുടെ രാജി ആവശ്യപ്പെടുന്നവർ, അതിന്റെ ഗുണഫലം അനുഭവിച്ചവരും രാജി വെക്കണമെന്ന യാഥാർത്ഥ്യം മനസ്സിലാക്കണമെന്ന് അദ്ദേഹം ചൂണ്ടിക്കാട്ടി.
കേരള സന്ദർശനത്തിനെത്തിയ കേന്ദ്ര ആഭ്യന്തര മന്ത്രി അമിത് ഷാ, ഉപരാഷ്ട്രപതി സി.പി. രാധാകൃഷ്ണൻ എന്നിവരുടെ സുരക്ഷാ വാഹനവ്യൂഹങ്ങൾക്ക് നേരെ നടന്ന പ്രതിഷേധങ്ങളും അനുബന്ധ സംഭവങ്ങളും കേന്ദ്ര-സംസ്ഥാന ബന്ധങ്ങളെ ദോഷകരമായി ബാധിച്ചേക്കാമെന്നും രാജീവ് ചന്ദ്രശേഖർ മുന്നറിയിപ്പ് നൽകി.
