തിരുവനന്തപുരം: മുൻ മുഖ്യമന്ത്രി പിണറായി വിജയനും എംഎൽഎ മുഹമ്മദ് റിയാസിനും എതിരെയുള്ള വിജിലൻസ് കേസ് അന്വേഷിക്കാൻ രണ്ട് പ്രത്യേക സംഘങ്ങളെ നിയോഗിച്ചു. കൈക്കൂലി ആരോപണവും കള്ളപ്പണ ഇടപാടും വെവ്വേറെ സംഘങ്ങളാണ് പരിശോധിക്കുക; കേസുമായി ബന്ധപ്പെട്ട വിവരങ്ങൾ ലഭ്യമാക്കാൻ അന്വേഷണ സംഘം എൻഫോഴ്സ്മെന്റ് ഡയറക്ടറേറ്റിന് (ഇഡി) കത്ത് നൽകും.
കേസിന്റെ ഭാഗമായി സിഎംആർഎല്ലിലെ മുൻ ഉദ്യോഗസ്ഥരെയും മുഹമ്മദ് റിയാസിന്റെ സുഹൃത്തുക്കളെയും ഉടൻ ചോദ്യം ചെയ്യാനാണ് തീരുമാനം.
അതേസമയം, വിജിലൻസ് അന്വേഷണത്തിന് ഉത്തരവിട്ട സിംഗിൾ ബെഞ്ച് വിധിക്കെതിരെ വീണയും മുഹമ്മദ് റിയാസും സമർപ്പിച്ച അപ്പീൽ ഹൈക്കോടതി ഇന്ന് പരിഗണിക്കും. തടസ്സങ്ങൾ പരിഹരിക്കപ്പെട്ടാൽ പിണറായി വിജയൻ നൽകിയ അപ്പീലും ഇന്ന് തന്നെ കോടതിക്ക് മുന്നിലെത്തും.
