കൊച്ചി: വിവാദമായ സിഎംആർഎൽ – എക്സാലോജിക് സാമ്പത്തിക ഇടപാടിൽ പ്രാഥമികാന്വേഷണത്തിനായി പ്രത്യേക അന്വേഷണ സംഘത്തെ (എസ്ഐടി) രൂപീകരിച്ച സർക്കാർ നടപടി നിയമവിരുദ്ധമാണെന്ന് ചൂണ്ടിക്കാട്ടി ഹൈക്കോടതി റദ്ദാക്കി. സംഭവത്തിൽ അഴിമതി തടയൽ നിയമപ്രകാരം ബന്ധപ്പെട്ടവർക്കെതിരെ ഉടൻതന്നെ എഫ്ഐആർ രജിസ്റ്റർ ചെയ്ത് അന്വേഷണം ആരംഭിക്കാൻ വിജിലൻസ് ഡയറക്ടർക്ക് കോടതി കർശന നിർദ്ദേശം നൽകി.
കേസുമായി ബന്ധപ്പെട്ട് കൈവശമുള്ള മുഴുവൻ രേഖകളും വിജിലൻസിന് കൈമാറാൻ എൻഫോഴ്സ്മെന്റ് ഡയറക്ടറേറ്റിനോടും കോടതി ഉത്തരവിട്ടിട്ടുണ്ട്.
