കണ്ണൂർ: കൂത്തുപറമ്പ് നിർമ്മലഗിരി കോളേജിൽ എസ്.എഫ്.ഐ, കെ.എസ്.യു പ്രവർത്തകർ പരസ്പരം ഏറ്റുമുട്ടി. ക്യാമ്പസിന് പുറത്ത് ചുവരെഴുതുന്നതുമായി ബന്ധപ്പെട്ടുണ്ടായ വാക്കുതർക്കമാണ് ഒടുവിൽ കയ്യാങ്കളിയിലേക്ക് എത്തിയതെന്നാണ് ലഭ്യമാകുന്ന വിവരം. സംഘർഷത്തിൽ പരിക്കേറ്റ കെ.എസ്.യു ജില്ലാ പ്രസിഡന്റ് അതുൽ എം.സി, എസ്.എഫ്.ഐ ഏരിയ സെക്രട്ടറി ആകാശ് എന്നിവരെ ചികിത്സയ്ക്കായി ആശുപത്രിയിൽ പ്രവേശിപ്പിച്ചു. ഡി.വൈ.എഫ്.ഐ, സി.പി.ഐ.എം പ്രവർത്തകരാണ് തങ്ങൾക്ക് നേരെ അക്രമം അഴിച്ചുവിട്ടതെന്ന് കെ.എസ്.യു നേതൃത്വം ആരോപിച്ചു.