തിരുവനന്തപുരം: സ്വന്തം വാട്‌സ്ആപ്പ് അക്കൗണ്ടിലൂടെ അശ്ലീല വീഡിയോ സ്റ്റാറ്റസായി പോസ്റ്റ് ചെയ്ത സംഭവത്തിൽ പോലീസ് അസോസിയേഷൻ സംസ്ഥാന ജോയിന്റ് സെക്രട്ടറിക്ക് സർവീസിൽ നിന്ന് സസ്‌പെൻഷൻ. കേരള പോലീസിന്റെ അടൂർ മൂന്നാം നമ്പർ ബറ്റാലിയനിലെ ഉദ്യോഗസ്ഥനായ സഞ്ജു കൃഷ്ണൻ വി.ക്ക് എതിരെയാണ് അച്ചടക്ക നടപടി സ്വീകരിച്ചത്. പെരുമാറ്റദൂഷ്യം കാണിക്കൽ, സേനയുടെ സൽപ്പേരിന് കോട്ടം വരുത്തൽ, ഗുരുതരമായ അച്ചടക്കലംഘനം എന്നിവ തെളിഞ്ഞതിന്റെ പശ്ചാത്തലത്തിലാണ് ഈ നടപടി. സംഭവത്തെക്കുറിച്ച് വിശദമായി അന്വേഷിച്ച് റിപ്പോർട്ട് സമർപ്പിക്കാൻ ബറ്റാലിയനിലെ അസിസ്റ്റന്റ് കമാൻഡർ വിങ്ങിനെ ഔദ്യോഗികമായി ചുമതലപ്പെടുത്തിയിട്ടുണ്ട്.