തിരുവനന്തപുരം: എം.സി റോഡിൽ വട്ടപ്പാറയ്ക്ക് സമീപം കെ.എസ്.ആർ.ടി.സി ബസും ടാങ്കർ ലോറിയും കൂട്ടിയിടിച്ചുണ്ടായ വാഹനാപകടത്തിൽ നിരവധി യാത്രക്കാർക്ക് പരിക്കേറ്റു. മുന്നിലുണ്ടായിരുന്ന മറ്റൊരു വാഹനത്തെ മറികടക്കാൻ ശ്രമിക്കുന്നതിനിടയിൽ നിയന്ത്രണം വിട്ട പെട്രോൾ ടാങ്കർ ലോറി എതിരെ വന്ന കെ.എസ്.ആർ.ടി.സി ബസിലേക്ക് നേരിട്ട് ഇടിച്ചുകയറുകയായിരുന്നുവെന്നാണ് ലഭ്യമാകുന്ന വിവരം.
അപകടത്തിൽ ഏകദേശം ഇരുപതോളം ആളുകൾക്ക് പരിക്കേറ്റതായാണ് പ്രാഥമിക വിവരങ്ങൾ. പരിക്കേറ്റ യാത്രക്കാരെ ഉടൻതന്നെ സമീപത്തെ ആശുപത്രികളിലേക്ക് മാറ്റി ചികിത്സ ലഭ്യമാക്കിയിട്ടുണ്ട്.
