കൊച്ചി: ടി. വീണയ്ക്ക് പങ്കാളിത്തമുള്ള 'ലേക്കർ ഇന്ത്യ കോർപ്പ്' എന്ന സ്ഥാപനം ഗ്രാമപഞ്ചായത്തിന്റെ ലൈസൻസില്ലാതെയാണ് പ്രവർത്തിച്ചതെന്ന് റിപ്പോർട്ട്. സമർപ്പിച്ച രേഖകളിലെ പൊരുത്തക്കേടുകൾ ചൂണ്ടിക്കാട്ടി ഒളവണ്ണ പഞ്ചായത്ത് അധികൃതർ ലൈസൻസിനായുള്ള അപേക്ഷ നിരസിക്കുകയായിരുന്നു.
കമ്പനി രേഖകൾ പ്രകാരം ടി. വീണ, ഡോ. അനീസ് കോടമ്പിയത്ത് എന്നിവരാണ് സ്ഥാപനത്തിന്റെ ഉടമസ്ഥർ. എന്നാൽ, കെട്ടിടത്തിന്റെ വാടകക്കരാറിൽ ഡോ. അനീസിന്റെ പേര് മാത്രമാണ് ഉണ്ടായിരുന്നത്. കരാറിൽ വീണയുടെ പേര് കൂടി ഉൾപ്പെടുത്തണമെന്ന് പഞ്ചായത്ത് അധികൃതർ നിർദ്ദേശിക്കുകയായിരുന്നു. മൂന്ന് വർഷങ്ങൾക്ക് മുൻപ് തന്നെ സ്ഥാപനത്തിന്റെ പ്രവർത്തനം ആരംഭിച്ചിരുന്നെങ്കിലും ഈയടുത്താണ് ലൈസൻസ് ലഭ്യമാക്കാൻ അപേക്ഷ നൽകിയത്. ഇത് രേഖകൾ ക്രമപ്പെടുത്താനുള്ള നീക്കത്തിന്റെ ഭാഗമാണെന്ന സംശയവും നിലനിൽക്കുന്നുണ്ട്.
