കൊച്ചി: വി.ഡി. സതീശന്റെ ഹെലികോപ്റ്റർ യാത്രയെ പരിഹസിച്ച് ഡി.വൈ.എഫ്.ഐ സംസ്ഥാന സെക്രട്ടറിയും എം.എൽ.എയുമായ വി.കെ. സനോജ് രംഗത്ത്. മുൻപ് മുഖ്യമന്ത്രി നടത്തിയ മംഗലാപുരം സന്ദർശനവും, കൊച്ചിയിൽ അജ്ഞാതനായ നിക്ഷേപകനെ കാണാനായി ഹെലികോപ്റ്ററിൽ നടത്തിയ യാത്രയും ചൂണ്ടിക്കാണിച്ചാണ് വി.കെ. സനോജ് വിമർശനശരങ്ങൾ തൊടുത്തത്. ഫേസ്ബുക്കിൽ പങ്കുവെച്ച പ്രത്യേക കുറിപ്പിലൂടെയായിരുന്നു അദ്ദേഹം വി.ഡി. സതീശനെതിരെ പരിഹാസവുമായി രംഗത്തെത്തിയത്.
വി കെ സനോജിൻ്റെ ഫേസ്ബുക്ക് പോസ്റ്റിൻ്റെ പൂർണ്ണരൂപം
ഫ്ലൈറ്റ് ചാർട്ട് ചെയ്ത് കർണ്ണാടകയിലെ മംഗലാപുരത്തേയ്ക്ക് പറന്നത് മുൻ മന്ത്രി ആര്യാടൻ മുഹമ്മദിന്റെ ബന്ധുക്കളെ കാണാൻ….!!
സർക്കാർ ഹെലികോപ്റ്ററിൽ കൊച്ചിക്ക് പറന്നത് അജ്ഞാതനായ ഇൻവെസ്റ്ററെ കാണാൻ….!!
ഇപ്പോ കർണ്ണാടകയിലെ തന്നെ കൂർഗിലേയ്ക്ക് പറന്നത് കല്യാണം കൂടാനാണത്രെ….!!
എന്നിട്ട് കൂർഗിലേയ്ക്ക് പോയോ…?
ഇല്ല, കണ്ണൂരിൽ ഇറങ്ങി ഊണും കഴിച്ച് തിരികെ എറണാകുളത്തേയ്ക്ക് മടങ്ങി…!!
അതായത് ചുമ്മാ ഇരുന്ന് ബോറടിച്ചപ്പോൾ ഹെലികോപ്റ്റർ എടുത്ത് കണ്ണൂർ വരെ പോയി ഊണ് കഴിച്ച് മടങ്ങി വന്നു…!
ചുമ്മാ ഒരു ടൈം പാസ്…!
ആരുമൊന്ന് ചോദിച്ചേക്കരുതേ….
ഇനി ആരേലും ചോദിച്ചാൽ ഞാനൊന്ന് ഭക്ഷണം കഴിച്ചതാണോ തെറ്റ് എന്ന് ചോദിച്ച് കളയും….!!
വെറുതെ എന്തിനാ ആ സങ്കടം നമ്മൾ കാണുന്നത് …!
