ചെന്നൈ: സ്വകാര്യ സ്കൂളുകൾക്ക് സർക്കാർ അംഗീകാരവും നിയമപരമായ അനുമതികളും വാഗ്ദാനം ചെയ്ത് 100 കോടി രൂപ കൈക്കൂലി വാങ്ങിയെന്ന കേസിൽ തമിഴ്നാട് മുൻ മന്ത്രിയും ഡിഎംകെ നേതാവുമായ അൻബിൽ മഹേഷ് പൊയ്യാമൊഴിയെ ഗ്രേറ്റർ ചെന്നൈ പോലീസിന്റെ സെൻട്രൽ ക്രൈംബ്രാഞ്ച് അറസ്റ്റ് ചെയ്തു. കേസിൽ അൻബിൽ മഹേഷ് സമർപ്പിച്ച മുൻകൂർ ജാമ്യാപേക്ഷ മദ്രാസ് ഹൈക്കോടതി തള്ളിയതിന് പിന്നാലെയായിരുന്നു പോലീസ് നടപടി.
സംസ്ഥാനത്തെ 177 സ്വകാര്യ സ്കൂളുകളിൽ നിന്നാണ് ഇത്തരത്തിൽ വൻതുക കൈപ്പറ്റിയതായി അന്വേഷണത്തിൽ കണ്ടെത്തിയിട്ടുള്ളത്. മുൻ മന്ത്രിക്കെതിരെ നിർണ്ണായകമായ ഡിജിറ്റൽ തെളിവുകളും സാക്ഷിമൊഴികളും ക്രൈംബ്രാഞ്ച് ശേഖരിച്ചിട്ടുണ്ടെന്നാണ് വിവരം.
