ന്യൂഡൽഹി: രാജ്യത്തെ വിഭജിക്കാൻ നടക്കുന്ന ശ്രമങ്ങളെ തിരിച്ചറിഞ്ഞ് പരാജയപ്പെടുത്താൻ ജനങ്ങൾ ഒറ്റക്കെട്ടായി മുന്നോട്ടുവരണമെന്ന് പ്രധാനമന്ത്രി നരേന്ദ്ര മോദി. ദസറ ആഘോഷച്ചടങ്ങിൽ സംസാരിക്കവെയാണ് ഇന്ത്യയുടെ ശത്രുക്കൾക്കെതിരെ യോജിച്ചുള്ള പോരാട്ടത്തിന് അദ്ദേഹം ആഹ്വാനം ചെയ്തത്.
പൊതുനന്മയ്ക്കാണ് സർക്കാർ എപ്പോഴും പ്രഥമ പരിഗണന നൽകുന്നതെന്ന് പ്രധാനമന്ത്രി വ്യക്തമാക്കി. വിവേചനങ്ങളില്ലാത്തതും എല്ലാവർക്കും നീതി ഉറപ്പാക്കുന്നതുമാണ് യഥാർത്ഥ രാമരാജ്യ സങ്കൽപ്പമെന്നും, രാജ്യത്തിന്റെ നന്മയ്ക്കായി എല്ലാവരും ഒന്നിച്ച് നിൽക്കണമെന്നും അദ്ദേഹം കൂട്ടിച്ചേർത്തു.
ഗ്യാനേഷ് കുമാറിന്റെ രാജി ആവശ്യപ്പെട്ട് രാജ്യവ്യാപകമായി പ്രതിപക്ഷ പാർട്ടികൾ പ്രക്ഷോഭം ശക്തമാക്കിയിരിക്കുന്ന സാഹചര്യത്തിലാണ് പ്രധാനമന്ത്രിയുടെ ഈ പരോക്ഷ പ്രതികരണം.
