ന്യൂഡൽഹി: ആർഎസ്എസിന്റേത് ഭരണഘടനാ വിരുദ്ധ സമീപനമാണെന്നും സ്ത്രീകളെ കേവലം പുരുഷന്റെ സ്വത്തായും വസ്തുവായുമാണ് അവർ പരിഗണിക്കുന്നതെന്നും ലോക്സഭാ പ്രതിപക്ഷ നേതാവ് രാഹുൽ ഗാന്ധി. പുരുഷന്മാരെ മാത്രം ഉൾക്കൊള്ളുന്നതാണ് ആർഎസ്എസ് സംഘടനയെന്നും, താൻ ശിവശക്തിയിൽ വിശ്വസിക്കുന്നതിനാൽ ഈ പ്രസ്ഥാനത്തിനെതിരെ പോരാടുന്നതിൽ സന്തോഷം മാത്രമാണുള്ളതെന്നും അദ്ദേഹം എക്സ് കുറിപ്പിലൂടെ വ്യക്തമാക്കി.
സംഘടനയ്ക്കുള്ളിലെ സ്ത്രീകൾ പോലും തങ്ങളുടെ ഭാഗത്താണെന്നും രാഹുൽ ഗാന്ധി ചൂണ്ടിക്കാട്ടി.
രാജ്യത്ത് നിലനിൽക്കുന്ന ഭരണവിരുദ്ധ പ്രക്ഷോഭങ്ങളെ വിമർശിച്ച് ആർഎസ്എസ് നേതൃത്വം രംഗത്തെത്തിയതിന് പിന്നാലെയാണ് രാഹുൽ ഗാന്ധിയുടെ ഈ രൂക്ഷ പ്രതികരണം.
