കൊൽക്കത്ത: തലസ്ഥാനത്ത് 'ലഹ്റാ ദോ തിരംഗ' പ്രതിഷേധത്തിനിടെ സിജെപി ആക്ടിവിസ്റ്റ് അഭിജീത് ദീപ്‌കെയെ ഡൽഹി പോലീസ് കസ്റ്റഡിയിലെടുത്ത നടപടിയെ 'പ്രഖ്യാപിക്കപ്പെടാത്ത അടിയന്തരാവസ്ഥ' എന്ന് വിശേഷിപ്പിച്ച് പശ്ചിമ ബംഗാൾ മുൻ മുഖ്യമന്ത്രി മമതാ ബാനർജി. വെള്ളിയാഴ്ച സമൂഹമാധ്യമമായ എക്സിലൂടെയായിരുന്നു അവരുടെ പ്രതികരണം.
ദേശീയപതാകയേന്തി സമാധാനപരമായി തങ്ങളുടെ ജനാധിപത്യ അവകാശങ്ങൾ വിനിയോഗിച്ച യുവാക്കളെയാണ് പോലീസ് തടങ്കലിലാക്കുന്നതെന്ന് അവർ ചൂണ്ടിക്കാട്ടി. എതിർശബ്ദങ്ങളെ നിശബ്ദമാക്കാനാണ് ഭരണകൂടം ശ്രമിക്കുന്നതെന്ന് ആരോപിച്ച മമത, അഭിജീത് ദീപ്കെ, സിജെപി നേതാക്കളായ അശുതോഷ് റാങ്ക, സൗരവ് ദാസ് എന്നിവർക്ക് പൂർണ്ണ ഐക്യദാർഢ്യം പ്രഖ്യാപിച്ചു.
'ഇന്ത്യ ഉണരൂ, ജനാധിപത്യത്തിനും സ്വാതന്ത്ര്യത്തിനും വിയോജിക്കാനുള്ള അവകാശത്തിനും വേണ്ടിയുള്ള പോരാട്ടം തുടരും' എന്നും അവർ എക്സിൽ കുറിച്ചു.
