ന്യൂഡൽഹി: ജനങ്ങൾ ഭരണമാറ്റം ആഗ്രഹിക്കുന്നുവെന്നും നിലവിലെ ഭരണകൂടത്തിന് പടിയിറങ്ങാനുള്ള സമയമായെന്നും പ്രതിരോധ മന്ത്രി രാജ്നാഥ് സിങ്ങിന് രാജ്യസഭാ എംപി കപിൽ സിബലിന്റെ മറുപടി. കോൺഗ്രസിനെതിരെ രാജ്നാഥ് സിങ് ഉന്നയിച്ച 'ഭരണമാറ്റ' ആരോപണങ്ങൾക്ക് ശനിയാഴ്ച പ്രതികരിക്കുകയായിരുന്നു അദ്ദേഹം.
തിരഞ്ഞെടുപ്പ് ക്രമക്കേടുകൾ ആരോപിച്ച് ന്യൂഡൽഹിയിൽ നടന്ന പ്രതിഷേധങ്ങൾക്കിടെ കോൺഗ്രസും സഖ്യകക്ഷികളും ചേർന്ന് ബംഗ്ലാദേശ് മാതൃകയിലുള്ള ഭരണമാറ്റത്തിന് ശ്രമിക്കുന്നുവെന്നും, അരാജകത്വം സൃഷ്ടിക്കാൻ യുവാക്കളെ ഉപയോഗിക്കുകയാണെന്നും തലേദിവസം രാജ്നാഥ് സിങ് ആരോപിച്ചിരുന്നു. ഇതിന് പിന്നാലെയാണ് സിബലിന്റെ രൂക്ഷവിമർശനം.
