ന്യൂഡൽഹി: തലസ്ഥാനത്ത് നടന്ന തിരംഗ മാർച്ചിനിടെ ഡൽഹി പോലീസ് കസ്റ്റഡിയിലെടുത്ത ഓൾ ഇന്ത്യ സ്റ്റുഡന്റ്സ് അസോസിയേഷൻ (ഐസ) ദേശീയ പ്രസിഡന്റ് നേഹ ബോറയെ 14 മണിക്കൂറിനു ശേഷം മോചിപ്പിച്ചു. ഇവരെ ആർ.കെ. പുരം പോലീസ് സ്റ്റേഷനിലാണ് പാർപ്പിച്ചിരുന്നതെന്ന് പോലീസ് വൃത്തങ്ങൾ വ്യക്തമാക്കി.
നേഹയുടെ മോചനം ആവശ്യപ്പെട്ട് ഐസ പ്രവർത്തകർ മണിക്കൂറുകളോളം ശക്തമായ പ്രതിഷേധം സംഘടിപ്പിച്ചിരുന്നു. കൂടാതെ, പ്രതിപക്ഷ നേതാക്കളും ഇവരെ വിട്ടയക്കണമെന്ന ആവശ്യവുമായി രംഗത്തെത്തിയിരുന്നു.
