ന്യൂഡൽഹി: ഗ്യാനേഷ് കുമാറിനെ രക്ഷിച്ചെടുക്കാൻ വേണ്ടിയാണ് രാഹുൽ ഗാന്ധിയെയും പിണറായി വിജയനെയും ഉൾപ്പെടെയുള്ള നേതാക്കളെ പോലീസ് കസ്റ്റഡിയിലെടുത്തതെന്നും പ്രധാനമന്ത്രി നരേന്ദ്ര മോദി ഇത്രയും പേടിത്തൊണ്ടനാകരുതെന്നും സിജെപി നേതാവ് അഭിജിത് ദീപ്കെ (അഭിഷേക് ദീപ്കെ). 'ഒരു രാജ്യം ഒരു പാർട്ടി' എന്നതാണ് ഭരണകൂടത്തിന്റെ അജണ്ടയെന്നും, ജനകീയ പ്രതിഷേധങ്ങളെ മോദി ഭയപ്പെടുന്നതിനാലാണ് പോലീസ് അക്രമം അഴിച്ചുവിടുന്നതെന്നും അദ്ദേഹം കുറ്റപ്പെടുത്തി.
തിരഞ്ഞെടുപ്പിൽ മോദിയെ ജയിപ്പിച്ചതിന്റെ പ്രത്യുപകാരമായാണോ ഗ്യാനേഷ് കുമാറിനെ കേന്ദ്ര സർക്കാർ സംരക്ഷിക്കുന്നതെന്നും, തിരഞ്ഞെടുപ്പ് വിജയം തന്നില്ലെങ്കിൽ എന്തിനാണ് ഇത്തരമൊരു സംരക്ഷണമെന്നും ദീപ്കെ ചോദിച്ചു. മോദിക്കും അമിത് ഷായ്ക്കും ഗ്യാനേഷ് എന്താണ് നൽകുന്നതെന്ന് വ്യക്തമാക്കണമെന്ന് ആവശ്യപ്പെട്ട അദ്ദേഹം, തലസ്ഥാനത്ത് ട്രെയിനുകൾ റദ്ദാക്കിയതും ഡൽഹി പൂർണ്ണമായി അടച്ചുപൂട്ടിയതും ഇയാളെ സംരക്ഷിക്കാൻ മാത്രമാണെന്നും രാജ്യം ഇത് തിരിച്ചറിഞ്ഞിട്ടുണ്ടെന്നും ചൂണ്ടിക്കാട്ടി.
മോദിക്ക് ത്രിവർണ്ണ പതാകയേക്കാൾ വലുതാണോ ഗ്യാനേഷ് കുമാറെന്ന് ചോദിച്ച ദീപ്കെ, ശാഖകളിൽ ഇതുവരെ ദേശീയ പതാക ഉയർത്തിയിട്ടില്ലാത്തതിനാലാണ് തെരുവുകളിൽ ത്രിവർണ്ണ പതാക കാണുമ്പോൾ തടയാൻ ശ്രമിക്കുന്നതെന്നും കുറ്റപ്പെടുത്തി.
