ന്യൂഡൽഹി: ദേശീയപതാക സമാധാനപരമായി വീശുന്നത് ഒരിക്കലും കുറ്റകരമല്ലെന്നും ചെറുപ്പക്കാരെ കസ്റ്റഡിയിലെടുത്ത് തടവിലിടുന്നത് ഭരണകൂടത്തിന്റെ ഭീരുത്വമാണെന്നും കോൺഗ്രസ് നേതാവ് രാഹുൽ ഗാന്ധി. ജന്തർ മന്തറിലെ പ്രതിഷേധവുമായി ബന്ധപ്പെട്ട് സിജെപി നേതാക്കളെ പോലീസ് കസ്റ്റഡിയിലെടുത്ത നടപടിയെ രൂക്ഷമായി അപലപിച്ചാണ് അദ്ദേഹം രംഗത്തെത്തിയത്.
ജന്തർ മന്തർ പൊതുജനങ്ങളുടെ ഇടമാണെന്നും ജനങ്ങൾ അത് തിരിച്ചുപിടിക്കുമെന്നും രാഹുൽ ഗാന്ധി പ്രസ്താവിച്ചു. ബാനറുകൾ പലതായിരിക്കാമെങ്കിലും ലക്ഷ്യം ഒന്നാണെന്നും ഭരണഘടനാപരമായ അവകാശങ്ങൾ സംരക്ഷിക്കാനായി പൗരന്മാർ ഒറ്റക്കെട്ടായി നിലകൊള്ളുമെന്നും അദ്ദേഹം ചൂണ്ടിക്കാട്ടി.
ഒരൊറ്റ ലക്ഷ്യത്തിനായി വിദ്യാർത്ഥികളും മാധ്യമപ്രവർത്തകരും ഇന്ത്യാ മുന്നണിയും കൈകോർത്ത് മുന്നോട്ടുപോകുമെന്നും അദ്ദേഹം വ്യക്തമാക്കി.
