ന്യൂഡൽഹി: ആരെല്ലാം എത്രമാത്രം ബഹളമുണ്ടാക്കിയാലും തന്റെ പ്രവർത്തനങ്ങളുമായി മുന്നോട്ടുപോകുമെന്ന് പ്രതിപക്ഷത്തിന് പരോക്ഷ മറുപടിയുമായി പ്രധാനമന്ത്രി നരേന്ദ്ര മോദി. പത്താമത് ഇന്ത്യ മൊബൈൽ കോൺഗ്രസ് ഉദ്ഘാടനം ചെയ്ത് സംസാരിക്കവെയായിരുന്നു അദ്ദേഹത്തിന്റെ പ്രതികരണം. ഖജനാവ് കൊള്ളയടിച്ച ആളുകൾ ഒരിക്കലും തന്നെ സ്നേഹിക്കില്ലെന്ന് നന്നായി അറിയാമെന്നും അദ്ദേഹം തുറന്നടിച്ചു.
തെറ്റായ കൈകളിലേക്ക് പോകേണ്ടിയിരുന്ന അഞ്ച് ലക്ഷം കോടി രൂപ തടയാൻ തന്റെ സർക്കാരിന് സാധിച്ചുവെന്ന് പ്രധാനമന്ത്രി അവകാശപ്പെട്ടു. മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരെ കോൺഗ്രസിന്റെയും പ്രതിപക്ഷത്തിന്റെയും നേതൃത്വത്തിൽ രാജ്യവ്യാപക പ്രതിഷേധങ്ങൾ ശക്തമാകുന്ന സാഹചര്യത്തിലാണ് പ്രധാനമന്ത്രിയുടെ ഈ പരാമർശങ്ങൾ.
