ടെഹ്‌റാൻ: തങ്ങളുടെ രാജ്യത്തിനെതിരെ ഇനിയും സൈനിക ആക്രമണങ്ങൾ തുടർന്നാൽ ശക്തവും വിശാലവുമായ പ്രത്യാക്രമണം നേരിടേണ്ടി വരുമെന്ന് ഇറാൻ പരമോന്നത നേതാവ് മുജ്തബ ഖമനയി മുന്നറിയിപ്പ് നൽകി. നിലവിലെ സംഭവവികാസങ്ങളിലൂടെ അമേരിക്കൻ സൈനിക ശക്തിയുടെ പരിമിതികൾ തുറന്നുകാട്ടപ്പെട്ടുവെന്ന് വ്യക്തമാക്കിയ അദ്ദേഹം, അമേരിക്കയെ യാതൊരു കാരണവശാലും വിശ്വസിക്കാൻ കഴിയില്ലെന്നും ഒരു വിട്ടുവീഴ്ചയ്ക്കും രാജ്യം തയ്യാറല്ലെന്നും കൂട്ടിച്ചേർത്തു.
അതിനിടെ, യുഎസ് തിരഞ്ഞെടുപ്പ് ഫലത്തിലൂടെ അമേരിക്കൻ ജനത വ്യക്തമായ സന്ദേശമാണ് നൽകിയതെന്ന് ഇറാൻ വിദേശകാര്യ മന്ത്രാലയം പ്രസ്താവനയിലൂടെ പ്രതികരിച്ചു. വെറും ഭീഷണികൾ കണ്ട് ഭയപ്പെടുന്നതോ, അധിനിവേശങ്ങളിലൂടെ കീഴ്പ്പെടുത്താൻ സാധിക്കുന്നതോ ആയ രാജ്യമല്ല ഇറാനെന്നും വിദേശകാര്യ മന്ത്രാലയം വ്യക്തമാക്കി.
