വാഷിങ്ടൺ: യുഎസ് മിഡ്‌ടേം തിരഞ്ഞെടുപ്പിൽ റിപ്പബ്ലിക്കൻ പാർട്ടി നേരിട്ട കനത്ത പരാജയത്തിന് പിന്നിൽ ഇറാനുമായുള്ള യുദ്ധമാണെന്ന് അമേരിക്കൻ വൈസ് പ്രസിഡന്റ് ജെ.ഡി. വാൻസ്. എക്സിൽ പങ്കുവെച്ച കുറിപ്പിലൂടെയാണ് തെരഞ്ഞെടുപ്പ് ഫലത്തെക്കുറിച്ചുള്ള നിർണ്ണായക വിലയിരുത്തൽ അദ്ദേഹം പരസ്യപ്പെടുത്തിയത്. തങ്ങൾ പരാജയപ്പെട്ടതിന്റെ കാരണം യുദ്ധം തന്നെയാണെന്നും ഇക്കാര്യം കഴിഞ്ഞദിവസം രാത്രി പ്രസിഡന്റ് തന്നെ വ്യക്തമാക്കിയതാണെന്നും വാൻസ് ചൂണ്ടിക്കാട്ടി.
വരാനിരിക്കുന്ന ആറ് വർഷത്തേക്ക് സെനറ്റിന്റെ നിയന്ത്രണം റിപ്പബ്ലിക്കൻ പാർട്ടിക്ക് നഷ്ടപ്പെടാൻ ഇടയാക്കിയത് ഈ യുദ്ധമാണെങ്കിലും, ആ നഷ്ടം യുദ്ധത്തിന് അർഹമായിരുന്നുവെന്ന് വാദിക്കാൻ താല്പര്യപ്പെടുന്നവർക്ക് അങ്ങനെ ചെയ്യാമെന്ന് അദ്ദേഹം പ്രതികരിച്ചു.
2024-ലെ തിരഞ്ഞെടുപ്പിൽ ട്രംപ്-വാൻസിനെ പിന്തുണച്ച വലിയൊരു വിഭാഗം വോട്ടർമാർ 2026-ൽ ഡെമോക്രാറ്റുകൾക്ക് അനുകൂലമായി വോട്ട് രേഖപ്പെടുത്തിയതാണ് പാർട്ടിയുടെ പ്രധാന തിരിച്ചടിക്ക് വഴിവെച്ചതെന്നും വൈസ് പ്രസിഡന്റ് തുറന്നടിച്ചു.
