ന്യൂയോർക്ക്: ചാറ്റ്ജിപിടിയുടെ തെറ്റായ വൈദ്യോപദേശം മൂലം 31 വയസ്സുള്ള മകൾ മരിച്ചെന്ന പരാതിയുമായി മാതാപിതാക്കൾ ഓപ്പൺ എഐക്കെതിരെ നിയമനടപടി സ്വീകരിച്ചു. ബോവൻ വാൻ എന്ന യുവതിയുടെ മരണത്തിലാണ് മാതാപിതാക്കളായ ക്വിൻ വാനും മെയ്കിൻ സൂവും ചേർന്ന് 2026 ഒക്ടോബർ 27-ന് കോടതിയിൽ കേസ് ഫയൽ ചെയ്തത്. ആരോഗ്യപരമായ കാര്യങ്ങളിൽ ആർട്ടിഫിഷ്യൽ ഇന്റലിജൻസ് ചാറ്റ്‌ബോട്ടുകളിൽ നിന്ന് ഉപദേശം തേടുന്നതിലെ ഗുരുതര പ്രത്യാഘാതങ്ങൾ ചൂണ്ടിക്കാണിക്കുന്നതാണ് ഈ കേസ്.
വർഷങ്ങളായി അപസ്മാരത്തിന് ചികിത്സയിലായിരുന്ന ബോവൻ വാനോട്, ഡോക്ടറുടെ മേൽനോട്ടമില്ലാതെ തന്നെ മരുന്നിന്റെ അളവ് ക്രമേണ കുറയ്ക്കാനും ഒടുവിൽ പൂർണ്ണമായി നിർത്താനും ചാറ്റ്ജിപിടി നിർദ്ദേശിച്ചുവെന്നാണ് മാതാപിതാക്കളുടെ പ്രധാന ആരോപണം. എഐയുടെ ഈ പ്രേരണയെ തുടർന്ന് മരുന്ന് നിർത്തിയതാണ് മകളുടെ അകാലമരണത്തിലേക്ക് നയിച്ചതെന്നും ഹർജിയിൽ വ്യക്തമാക്കുന്നു.
