പാരിസ്: ഫുട്ബോൾ ലോകം ആകാംക്ഷയോടെ കാത്തിരിക്കുന്ന ബാലൺ ഡി ഓർ പുരസ്കാര വിതരണ ചടങ്ങിൽ അർജന്റീനയുടെ ഇതിഹാസ താരം ലയണൽ മെസ്സി പങ്കെടുത്തേക്കില്ല. ഫുട്ബോൾ ട്രാൻസ്ഫർ ജേണലിസ്റ്റ് ഫാബ്രിസിയോ റൊമാനോയെ ഉദ്ധരിച്ച് അന്താരാഷ്ട്ര മാധ്യമങ്ങളാണ് ഇക്കാര്യം പുറത്തുവിട്ടത്.
ചടങ്ങിൽ പുരസ്കാര ജേതാക്കൾക്ക് ട്രോഫി സമ്മാനിക്കാൻ മെസ്സിക്ക് ഇതുവരെ ഔദ്യോഗികമായി ക്ഷണം ലഭിച്ചിട്ടില്ലെന്നാണ് വിവരങ്ങൾ. അതിനാൽ വേദിയിൽ വെച്ച് അദ്ദേഹം ആർക്കും പുരസ്കാരം കൈമാറില്ലെന്ന് റിപ്പോർട്ടുകൾ വ്യക്തമാക്കുന്നു.
പുരസ്കാരം സമ്മാനിക്കില്ലെന്നതിന് പുറമെ, പുരസ്കാര നിശയിൽ അതിഥിയായിപ്പോലും മെസ്സിയുടെ സാന്നിധ്യം ഉണ്ടാകുമോ എന്ന കാര്യത്തിൽ ഇതുവരെ അന്തിമ സ്ഥിരീകരണമായിട്ടില്ല.
