പോർച്ചുഗലിന്റെ എക്കാലത്തെയും നായകനായ ക്രിസ്റ്റ്യാനോ റൊണാൾഡോയ്ക്ക് അർഹിക്കുന്ന ആദരവ് രാജ്യം നൽകിയില്ലെന്നും അവന് പിൻവാതിലിലൂടെ പടിയിറങ്ങേണ്ടി വന്നതിൽ അതിയായ ദുഃഖമുണ്ടെന്നും മാതാവ് ഡോളോറസ് അവെയ്റോ. പോർച്ചുഗീസ് മാധ്യമമായ ടിവി7-ന് (TV7) നൽകിയ അഭിമുഖത്തിലാണ് ദേശീയ ടീമിൽ നിന്നുള്ള മകന്റെ വിരമിക്കലിനെക്കുറിച്ച് അവർ മനസ്സ് തുറന്നത്.
മുൻവാതിലിലൂടെ അന്തസ്സോടെ ഇറങ്ങിപ്പോകാൻ അർഹതയുണ്ടായിരുന്നിട്ടും പരിശീലന ക്യാമ്പിൽ നിന്ന് മകന് ഇറങ്ങേണ്ടി വന്ന സാഹചര്യം തന്നെ ഞെട്ടിച്ചുവെന്ന് അവർ പറഞ്ഞു. ക്യാമ്പിൽ നിന്ന് നേരത്തെ മടങ്ങേണ്ടി വന്ന വിവരം റൊണാൾഡോ തന്നെ ഫോണിൽ വിളിച്ച് അറിയിച്ചിരുന്നു.
തന്റെ മകൻ രാജ്യത്തിന്റെ നായകനായിരുന്നിട്ടും ജനങ്ങൾ അത് മാനിക്കുകയോ അർഹിച്ച ബഹുമാനം നൽകുകയോ ചെയ്തില്ലെന്നും സാരമില്ല, ദൈവം എല്ലാം കണ്ടുകൊള്ളുമെന്നും ഡോളോറസ് അവെയ്റോ കൂട്ടിച്ചേർത്തു.
