ഏഷ്യൻ ഗെയിംസിൽ സ്വർണ്ണ മെഡൽ സ്വന്തമാക്കിയ ഇന്ത്യൻ പുരുഷ ഹോക്കി ടീം അംഗങ്ങൾക്ക് 11 ലക്ഷം രൂപ വീതവും സപ്പോർട്ട് സ്റ്റാഫിന് 5.5 ലക്ഷം രൂപ വീതവും ഒഡീഷ മുഖ്യമന്ത്രി മോഹൻ ചരൺ മാജി പാരിതോഷികം പ്രഖ്യാപിച്ചു. ഓരോ അംഗങ്ങളെയും അഭിനന്ദിച്ച മുഖ്യമന്ത്രി, കായികമികവിനെ പിന്തുണയ്ക്കാൻ ഒഡീഷ എന്നും പ്രതിജ്ഞാബദ്ധമാണെന്നും എക്സ് പോസ്റ്റിലൂടെ അറിയിച്ചു.
ശനിയാഴ്ച നടന്ന ഫൈനൽ പോരാട്ടത്തിൽ മലേഷ്യയെ 5-1 ന് തകർത്താണ് ഇന്ത്യൻ പുരുഷ ടീം 2026 ഏഷ്യൻ ഗെയിംസിൽ തുടർച്ചയായ രണ്ടാം സ്വർണ്ണം നേടിയത്.
ഫൈനലിൽ ചൈനയെ 1-0 ന് വീഴ്ത്തി ഇന്ത്യൻ വനിതാ ടീമും ജേതാക്കളായതോടെ ഏഷ്യൻ ഗെയിംസ് ചരിത്രത്തിൽ ഇരുവിഭാഗങ്ങളിലും ഇന്ത്യ ഒരേസമയം ഇരട്ട സ്വർണ്ണം നേടുന്ന ആദ്യ ചരിത്രനിമിഷത്തിനും ടൂർണമെന്റ് സാക്ഷ്യം വഹിച്ചു.
