വടകര: സൈബർ തട്ടിപ്പ് സംഘത്തിന് ബാങ്ക് അക്കൗണ്ടുകൾ വാടകയ്ക്ക് നൽകിയ ആറ് മ്യൂൾ അക്കൗണ്ട് ഉടമകളെ വടകര പൊലീസ് അറസ്റ്റ് ചെയ്തു. വടകര സ്വദേശികളായ അരുൺ, വിവേക് സന്തോഷ്, ദേവ്ജിത്ത്, അനുരാഗ്, ഷൗക്കത്തലി, സജീഷ് എന്നിവരാണ് 'ഓപ്പറേഷൻ സൈ ഹണ്ടിന്റെ' ഭാഗമായി നടന്ന നടപടിയിൽ പിടിയിലായത്.
സൈബർ തട്ടിപ്പിലൂടെ ലഭിക്കുന്ന പണം തങ്ങളുടെ ബാങ്ക് അക്കൗണ്ടുകൾ വഴി പിൻവലിച്ച് തട്ടിപ്പ് സംഘത്തിന് കൈമാറുകയായിരുന്നു ഇവരുടെ രീതി. ഏറെ നാളുകളായി പൊലീസിന്റെ നിരീക്ഷണത്തിലായിരുന്ന പ്രതികളുടെ അക്കൗണ്ടുകളിലൂടെ ലക്ഷക്കണക്കിന് രൂപയുടെ ഇടപാടുകൾ നടന്നതായി അന്വേഷണത്തിൽ കണ്ടെത്തിയിട്ടുണ്ട്.
അറസ്റ്റിലായവരിൽ അരുണിന്റെ അക്കൗണ്ട് വഴി മാത്രം 12 ലക്ഷം രൂപയുടെ ഇടപാടുകളാണ് നടന്നത്; വിവേകിന്റെ അക്കൗണ്ടിലൂടെ മൂന്നര ലക്ഷം രൂപയും പിൻവലിച്ചിട്ടുണ്ട്.
