തിരുവനന്തപുരം: വൈദ്യുതി മന്ത്രി സണ്ണി ജോസഫിന്റെ അതൃപ്തി നിലനിൽക്കുന്നതിനിടെ മന്ത്രിയുമായി കൂടിക്കാഴ്ച നടത്തി കെഎസ്ഇബി ചെയർമാൻ എൻ. പ്രശാന്ത്. ഒരു മണിക്കൂറോളം നീണ്ടുനിന്ന ചർച്ചയിൽ ബോർഡിന്റെ നിലവിലെ പ്രവർത്തന സാഹചര്യങ്ങൾ വിശദീകരിച്ച ചെയർമാൻ, സംസ്ഥാനത്തെ വൈദ്യുതി പ്രതിസന്ധിയും പുതിയ പദ്ധതികളും മന്ത്രിക്ക് മുന്നിൽ അവതരിപ്പിച്ചു.
വൈദ്യുതി കരാർ വിഷയത്തിൽ മുഖ്യമന്ത്രിയും വൈദ്യുതി മന്ത്രിയും തമ്മിൽ അസ്വാരസ്യങ്ങൾ ഉടലെടുത്തിരുന്നു. ഇതിനിടെ കെഎസ്ഇബി ചെയർമാൻ നേരിട്ട് മുഖ്യമന്ത്രിയെ സന്ദർശിച്ചത് മന്ത്രി സണ്ണി ജോസഫിന്റെ അതൃപ്തി വർധിക്കാൻ കാരണമായി; ഈ സാഹചര്യത്തിലാണ് എൻ. പ്രശാന്ത് മന്ത്രിയെ നേരിൽ കാണാനെത്തിയത്.
