യുഡിഎഫിനുള്ളിൽ യാതൊരുവിധ അഭിപ്രായ വ്യത്യാസങ്ങളുമില്ലെന്നും, മന്ത്രിസഭ ഒരൊറ്റ ടീമായാണ് മുന്നോട്ടുപോകുന്നതെന്നും മന്ത്രി കെ. മുരളീധരൻ. അടൂർ പ്രകാശ് പാർട്ടി അച്ചടക്കം ലംഘിച്ചിട്ടില്ലെന്ന് വ്യക്തമാക്കിയ അദ്ദേഹം, മുന്നണിക്കുള്ളിൽ കൃത്യമായ ചർച്ചകളും കൂടിയാലോചനകളും നടക്കുന്നുണ്ടെന്നും എല്ലാം ഭംഗിയായി മുന്നോട്ടുപോകുമെന്നും അറിയിച്ചു.
അതാത് വകുപ്പ് മന്ത്രിമാരുമായി ആലോചിച്ച ശേഷമാണ് മുഖ്യമന്ത്രി തീരുമാനങ്ങൾ കൈക്കൊള്ളുന്നതെന്ന് മുരളീധരൻ വിശദീകരിച്ചു; തന്റെ വകുപ്പുമായി ബന്ധപ്പെട്ട കാര്യങ്ങളിലും മുഖ്യമന്ത്രി തന്നോട് കൃത്യമായി ആലോചന നടത്താറുണ്ട്. പ്രധാനപ്പെട്ട എല്ലാ വിഷയങ്ങളും മന്ത്രിസഭാ യോഗത്തിൽ ചർച്ച ചെയ്യാറുണ്ടെന്നും അദ്ദേഹം കൂട്ടിച്ചേർത്തു.
വൈദ്യുതി വിഷയത്തിൽ നിലവിൽ ക്ഷാമമില്ലെന്നും എന്നാൽ ഭാവിയിൽ കൂടുതൽ വൈദ്യുതി ആവശ്യമായി വന്നേക്കാമെന്നുമുള്ള യാഥാർത്ഥ്യമാണ് മുഖ്യമന്ത്രി വ്യക്തമാക്കിയതെന്നും മന്ത്രി ചൂണ്ടിക്കാട്ടി.
