കോട്ടയം: മദ്യനയവുമായി ബന്ധപ്പെട്ട് നിലനിൽക്കുന്ന ആശയക്കുഴപ്പങ്ങൾക്ക് പരിഹാരം കാണാൻ പ്രഖ്യാപനം വേഗത്തിലാക്കണമെന്ന് മന്ത്രി മോൻസ് ജോസഫ് ആവശ്യപ്പെട്ടു. നയരൂപീകരണത്തിന് മുന്നോടിയായി ഘടകകക്ഷികളുമായി ഉഭയകക്ഷി ചർച്ചകൾ അടിയന്തരമായി ആരംഭിക്കേണ്ടതുണ്ടെന്നും അദ്ദേഹം വ്യക്തമാക്കി.
യുഡിഎഫിന്റെ മദ്യനയം എത്രയും പെട്ടെന്ന് ഔദ്യോഗികമായി പുറത്തുവിടണമെന്ന നിലപാടാണ് കെസിബിസിയും മുന്നോട്ടുവെച്ചിട്ടുള്ളത്. കൃത്യമായ ചർച്ചകളിലൂടെ വിഷയത്തിൽ വ്യക്തത വരുത്തണമെന്നതാണ് പൊതുവായ ആവശ്യമെന്നും മോൻസ് ജോസഫ് പറഞ്ഞു.
