ന്യൂഡൽഹി: മഹാരാജാസ് കോളേജിലെ പരിപാടി തടസ്സപ്പെടുത്താൻ ശ്രമിച്ച എസ്എഫ്ഐ നടപടിയെയും ഇത്തരം പ്രവണതകളെ തിരുത്താതെ പ്രോത്സാഹിപ്പിക്കുന്ന സിപിഐഎം നിലപാടിനെയും രൂക്ഷമായി വിമർശിച്ച് ഷാഫി പറമ്പിൽ എംപി. വിഷയത്തിൽ റോജി എം. ജോൺ തികച്ചും പക്വമായ സമീപനമാണ് സ്വീകരിച്ചതെന്നും മറുപടികൾ അദ്ദേഹത്തിന്റെ പക്കലുണ്ടായിരുന്നെങ്കിലും ചോദിക്കാൻ ചോദ്യങ്ങളില്ലാത്ത എസ്എഫ്ഐ പരിപാടി അലങ്കോലപ്പെടുത്താനാണ് ശ്രമിച്ചതെന്നും അദ്ദേഹം ഡൽഹിയിൽ മാധ്യമങ്ങളോട് പറഞ്ഞു.
പിഎസ്‌സി ചെയർമാൻ ഒരു പാർട്ടി ചെയർമാനെപ്പോലെയാണ് പ്രവർത്തിച്ചതെന്നും അദ്ദേഹം ആരോപിച്ചു. കമ്മീഷൻ അംഗങ്ങൾ തന്നെ പുറത്തുവിട്ട വിവരങ്ങൾ ഇതിന് വ്യക്തമായ തെളിവുകളാണെന്നും ഷാഫി ചൂണ്ടിക്കാട്ടി.
സംഭവത്തിൽ കൃത്യമായ അന്വേഷണം നടത്തുകയും തലപ്പത്തിരുന്ന് പാർട്ടി പ്രവർത്തനം നടത്തിയ വ്യക്തിക്കെതിരെ കേസ് രജിസ്റ്റർ ചെയ്ത് കടുത്ത ശിക്ഷാനടപടികൾ സ്വീകരിക്കുകയും വേണമെന്ന് എംപി ആവശ്യപ്പെട്ടു.
