തിരുവനന്തപുരം: കോവളത്തെ സ്പാ കേന്ദ്രീകരിച്ചുള്ള പീഡനക്കേസിൽ അറസ്റ്റിലായ താൽക്കാലിക ഹെൽത്ത് ഇൻസ്പെക്ടർ മായയെ നഗരൂർ ഗ്രാമപഞ്ചായത്ത് ജോലിയിൽ നിന്ന് പിരിച്ചുവിട്ടു. അറസ്റ്റ് സംബന്ധിച്ച ഔദ്യോഗിക വിവരം പോലീസ് രേഖാമൂലം കൈമാറിയതിന് പിന്നാലെ ഇന്ന് അടിയന്തരമായി ചേർന്ന പഞ്ചായത്ത് ഭരണസമിതി യോഗമാണ് തിരുവനന്തപുരം വെങ്ങാനൂർ സ്വദേശിയായ മായയെ സർവീസിൽ നിന്ന് നീക്കാൻ തീരുമാനിച്ചത്.
സ്പായുടെ നടത്തിപ്പിലും അനുബന്ധ സാമ്പത്തിക ഇടപാടുകളിലും മായ നേരിട്ട് പങ്കാളിയായിരുന്നുവെന്ന് പോലീസ് കണ്ടെത്തിയിരുന്നു. ഇതിനുപുറമെ, 16 വയസ്സുള്ള പെൺകുട്ടിയെ സ്ഥാപനത്തിലേക്ക് എത്തിച്ചതിലും പ്രതിക്ക് വ്യക്തമായ പങ്കുണ്ടെന്ന് അന്വേഷണ സംഘം സ്ഥിരീകരിച്ചിട്ടുണ്ട്.
