കിഫ്ബി ഇല്ലാതായാൽ അത് സംസ്ഥാനത്തെ വൻകിട നിർമ്മാണ പ്രവർത്തനങ്ങളെ പ്രതികൂലമായി ബാധിക്കുമെന്ന് മുൻ മന്ത്രി ജി. സുധാകരൻ. കിഫ്ബി സംവിധാനം മര്യാദയ്ക്ക് നടപ്പിലാക്കുകയാണ് വേണ്ടതെന്നും, പൊതുമരാമത്ത് വകുപ്പിന് മാത്രം എല്ലാ നിർമ്മാണങ്ങളും ഒറ്റയ്ക്ക് നടത്താൻ സാധിക്കില്ലെന്നും അദ്ദേഹം വ്യക്തമാക്കി.
കെ.എം. എബ്രഹാം ഉൾപ്പെടെയുള്ള ഉദ്യോഗസ്ഥരാണ് പല പ്രശ്നങ്ങളും സൃഷ്ടിച്ചതെന്നും അദ്ദേഹം കുറ്റപ്പെടുത്തി. ആലപ്പുഴ-ചങ്ങനാശ്ശേരി (എ.സി.) റോഡിൽ അഴിമതി നടന്നിട്ടുണ്ടോ എന്ന കാര്യം തനിക്ക് കൃത്യമായി അറിയില്ലെന്നും, ഇക്കാര്യത്തിൽ സമഗ്രമായ അന്വേഷണം നടക്കട്ടെയെന്നും ജി. സുധാകരൻ കൂട്ടിച്ചേർത്തു.
