പൊതുവിഷയങ്ങളിൽ നേതാക്കൾ വ്യത്യസ്ത അഭിപ്രായങ്ങൾ പരസ്യമാക്കുന്നത് തടയാൻ പാർട്ടി നേതൃത്വത്തിന് കർശന നിയന്ത്രണങ്ങളുമായി ഇടുക്കി ഡിസിസി. ഡിസിസി പ്രസിഡന്റിന്റെ അനുമതിയില്ലാതെ ഇനിമുതൽ ആരും മാധ്യമങ്ങൾക്ക് മുൻപിൽ വാർത്താസമ്മേളനം നടത്താൻ പാടില്ലെന്നാണ് ഉത്തരവ്.
മണ്ഡലം-ബ്ലോക്ക് പ്രസിഡന്റുമാർ, ഡിസിസി ഭാരവാഹികൾ, വിവിധ പോഷക സംഘടനകളുടെ ഭാരവാഹികൾ, മുതിർന്ന നേതാക്കൾ എന്നിവർക്കെല്ലാം ഈ കർശന നിർദേശം ബാധകമായിരിക്കും.
പൊതുവിഷയങ്ങളിൽ നേതാക്കൾ പരസ്പരവിരുദ്ധമായ നിലപാടുകൾ പരസ്യമായി പറയുന്നത് ഒഴിവാക്കാനാണ് ഇത്തരമൊരു തീരുമാനം കൈക്കൊണ്ടതെന്ന് ഇടുക്കി ഡിസിസി പ്രസിഡന്റ് സി.പി. മാത്യു വ്യക്തമാക്കി.
