മുഖ്യമന്ത്രി സ്വകാര്യ ജെറ്റിൽ യാത്ര ചെയ്യുകയും മന്ത്രി റേഞ്ച് റോവർ ഓടിക്കുകയും ചെയ്യുന്നതാണ് കേരളത്തിലെ അവസ്ഥയെന്നും യുഡിഎഫ് നൽകിയ തെരഞ്ഞെടുപ്പ് വാഗ്ദാനങ്ങളൊന്നും നടപ്പാക്കുന്നില്ലെന്നും ബിജെപി നേതാവ് രാജീവ് ചന്ദ്രശേഖർ. സംസ്ഥാനത്ത് വൈദ്യുതി മുടക്കം രൂക്ഷമാണെന്നും ഇവിടെ എന്താണ് നടക്കുന്നതെന്നും അദ്ദേഹം ചോദിച്ചു.
മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരായ പ്രക്ഷോഭങ്ങളെയും രാജീവ് ചന്ദ്രശേഖർ വിമർശിച്ചു. തെരഞ്ഞെടുപ്പ് കമ്മീഷൻ ഒരു ഭരണഘടനാ സ്ഥാപനമാണെന്നും അതിന്റെ കാര്യങ്ങൾ നിയന്ത്രിക്കാൻ രാജ്യത്ത് കൃത്യമായ നിയമ സംവിധാനങ്ങളുണ്ടെന്നും അദ്ദേഹം ഓർമ്മിപ്പിച്ചു. വിഷയത്തിൽ ഇടതുപക്ഷവും കോൺഗ്രസും ഒരുമിച്ചാണ് സമരം നടത്തുന്നതെന്നും ആരൊക്കെ തമ്മിലാണ് ധാരണയെന്ന് ഈ കൂട്ടുകെട്ടിലൂടെ ബോധ്യപ്പെടുന്നതായും അദ്ദേഹം ആരോപിച്ചു.
