തൊടുപുഴ: സിപിഐഎം പാലക്കാട് മുൻ ജില്ലാ സെക്രട്ടറി ഇ.എൻ. സുരേഷ് ബാബുവിനെതിരെ ക്രിമിനൽ സ്വഭാവമുള്ള ഒരു പരാതിയും ലഭിച്ചിട്ടില്ലെന്നും അദ്ദേഹത്തിനെതിരെ പാർട്ടി നടപടിയെടുത്തുവെന്ന വാർത്തകൾ അടിസ്ഥാനരഹിതമാണെന്നും സിപിഐഎം സംസ്ഥാന സെക്രട്ടറി എം.വി. ഗോവിന്ദൻ. ചില മാധ്യമങ്ങൾ വിഷയത്തിൽ തെറ്റായ വിവരങ്ങളാണ് പ്രചരിപ്പിക്കുന്നതെന്ന് അദ്ദേഹം തൊടുപുഴയിൽ വ്യക്തമാക്കി.
പാലക്കാട് ജില്ലാ നേതൃത്വത്തിൽ ഉണ്ടായ മാറ്റത്തെക്കുറിച്ചുള്ള കാരണങ്ങൾ അവിടുത്തെ ജില്ലാ ഘടകത്തോടാണ് ചോദിക്കേണ്ടതെന്നും എം.വി. ഗോവിന്ദൻ കൂട്ടിച്ചേർത്തു.
