തിരുവനന്തപുരം: തിരുവനന്തപുരം കോർപ്പറേഷൻ കൗൺസിലർ സ്ഥാനമൊഴിയാനുള്ള ആർ. ശ്രീലേഖയുടെ തീരുമാനം ആരോഗ്യപ്രശ്നങ്ങളെ തുടർന്നാണെന്ന് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ. കൗൺസിലർ എന്ന നിലയിലുള്ള വലിയ ജോലിഭാരം നിർവഹിക്കാൻ നിലവിലെ ശാരീരികസ്ഥിതി അനുവദിക്കുമോ എന്ന ആശങ്കയെ തുടർന്നാണ് അവർ ഈ നടപടിയിലേക്ക് കടന്നതെന്ന് അദ്ദേഹം വിശദീകരിച്ചു.
കേരളത്തിലെ പ്രഥമ വനിതാ ഐപിഎസ് ഉദ്യോഗസ്ഥയായ ശ്രീലേഖയെക്കുറിച്ച് ഉയർന്ന മതിപ്പാണ് തങ്ങൾക്കുള്ളതെന്നും പാർട്ടിയിൽ അവർക്ക് അർഹമായ ഉന്നത പദവി തന്നെയുണ്ടെന്നും രാജീവ് ചന്ദ്രശേഖർ വ്യക്തമാക്കി
