പത്തനംതിട്ട: മുൻ ദേവസ്വം ബോർഡ് പ്രസിഡന്റ് എ. പത്മകുമാറിനെതിരെ സിപിഐഎം പത്തനംതിട്ട വിപുലീകൃത ജില്ലാ കമ്മിറ്റി യോഗത്തിൽ കടുത്ത അച്ചടക്ക നടപടികൾക്ക് സാധ്യത. പത്മകുമാറിനെ പാർട്ടിയുടെ പ്രാഥമികാംഗത്വത്തിൽ നിന്ന് പുറത്താക്കണമെന്ന ആവശ്യം യോഗത്തിൽ ഉയർന്നാൽ നേതൃത്വം അത് പരിഗണിച്ചേക്കും. കോടതിയിൽ കുറ്റപത്രം സമർപ്പിച്ചതിന് ശേഷം മാത്രം തുടർനടപടികളിലേക്ക് കടന്നാൽ മതിയെന്നായിരുന്നു സംസ്ഥാന നേതൃത്വത്തിന്റെ മുൻ നിലപാടെങ്കിലും, എ. വിജയരാഘവൻ നിയന്ത്രിക്കുന്ന ഇന്നത്തെ യോഗത്തിൽ പ്രതിനിധികൾ ഒന്നടങ്കം നിലപാടെടുത്താൽ മാറ്റമുണ്ടായേക്കാം.